Fjölbreytt dagskrá fyrir alla fjölskylduna
Hátíðarhöld fara fram á í góðum anda á Granda og teygja sig yfir á Ægisgarð. Leiktæki, skemmtiatriði, fjölbreyttar smiðjur, síldarævintýr, furðufiskasýning og margt fleira verður í boði. Í gömlu verbúðunum bæði á Granda og við Geirsgötu opnar fjölbreytt starfsemi: gallery, vinnustofur listamanna, verslanir og veitingastaðir. Skonnortan Hildur frá Húsavík og varðskipin Óðinn og KV Sortland liggja við bryggju og fólk er hvatt til að ganga um borð og skoða, Sæbjörgin býður upp á skemmtisiglingu um sundin blá, kayakræðarar sýna listir sínar og kappróðurinn verður á sínum stað.
Þetta er auðvitað einungis brot af dagskrá hátíðarinnar, hægt er að kynna sér hana í heild með því að ýta á flipann hér að ofan.
Siglufjörður gestasveitafélag hátíðarinnar 
Siglufjörður býður upp á margs konar skemmtun á Hátíð hafsins. Starfsmenn sveitarfélagsins kynna menningu og sögu Fjallabyggðar og á Sjóminjasafninu Víkinni verður sýningin Síldarheimur Sigló opnuð. Þar verða persónulegar og lifandi myndir sem lýsa því hvernig var að vera ungur maður í síldarævintýri. Sönghópurinn Gómar mætir svo ásamt hljómsveitinni Miðaldarmönnum og saman syngja þeir sjómannalög og endurvekja óskalagaþátt sjómanna ,,Á frívaktinni.” Síðast en ekki síst fá gestir að gæða sér gómsætri síld undir björtum tónum harmonikkunnar. Siglfirsk síldarstemning á Grandanum!
