Gómsætur fiskur

Fiskur hátíðarinnar er karfi

Fiskur Hátíðar hafsins árið 2009 var steinbítur og í ár er það karfi. Þeim sem standa að Hátíð hafsins, Sjómannadagsráði og Faxaflóahöfnum sf., finnst mikilvægt að lögð sé rækt við að kynna íslenskan matfisk fyrir þjóðinni með átaki á meðan á Hátíðinni stendur. Allmörg veitingahús í miðborg Reykjavikur eru með sérstakan matseðil sem einkanlega er tileinkaður fiski og nú trónir karfinn vonandi á toppnum hjá sem flestum matsölustöðum.
Á árlegri sýningu Hafrannsóknarstofnunar á Hátíð hafsins mun karfinn að þessu sinni verða í heiðurssæti og nokkur afbrigði verða sýnd. Það er hollt að borða karfa en samkvæmt upplýsingum úr uppsláttarbókum eru 114 kaloríur í hverjum 100grömmum af karfa, 18,5 gr. Eggjahvíta3,8 gr. Fita og 99pg. Joð. Þegar hollusta karfa er borin saman við þorsk verður útkoman svipuð.

Karfinn hefur verið nytjafiskur við strendur landsins til margra ára en fyrr á árum var þessi fiskur ekki mikið etinn af íslendingum en þykir mjög góður matfiskur í dag. Sumir halda því fram að Reykjavík sé „höfuðborg karfans“ en tiltölulega er mikið landað í Reykjavik af karfa og þaðan er hann fluttur út um allan heim.

Nokkrar tegundir eru til af karfa en HB Grandi gerir tveimur tegundum skil á vefsíðu sinni; djúpkarfa/úthafskarfa og gullkarfa. Djúpkarfi og úthafskarfi veiðast innan og utan landhelgi og finnst víða fyrir vestan, sunnan og austan land en úthafskarfinn er mest veiddur á Reykjaneshrygg, suðvestur af landinu.

Karfinn er ekki bara snoppufríður, hann er líka góður á grillið

Djúpkarfi og úthafskarfi veiðast innan og utan landhelgi. Djúpkarfinn finnst víða fyrir vestan, sunnan og austan land en úthafskarfinn er mest veiddur á Reykjaneshrygg, suðvestur af landinu. Gullkarfinn er veiddur allt árið um kring en oft veiðist mest síðla vetrar. Bestu miðin eru vestur og suðvestur af landinu.